Tuesday, September 6, 2016
မိုးအခါတို့လယ်ယာ - အချိုးတွဲ ( ၁ )
မိုးတိမ်တွေဟိုတောင်ရိုးမှာ ၊
ထိုးတက်ကာမဲမှောင်ရီ ။
ဦးမာဃစည်တော်ကြီးက ၊
ဟီးပါလို့မြည် ။
လျှပ်စီးကနတ်ပန်းချီ ၊
အလီလီဆင့်ကဲ ။
အမ္ဗုန်ရှင်မာန်ဟုန်ပြိုးတယ် ၊
မိုးတွေကသည်း ။
ကွင်းထဲမတော့ရေတွေတိုးလို့ ၊
ရိုးတလျှောက်ပြည့်ဖြိုးလျှံ ။
လယ်ကွင်းစပ်မြက်ပင်ကိုင်း ၊
ဗျိုင်းတွေကပျံ ။
ကောက်စိုက်သမချိုတေးသံ ၊
တညံညံရင်မှာလှိုက် ။
ရေများလို့စူးနဲ့ထိုးကာ ၊
ပျိုးကောက်ပင်စိုက် ။
ကလေးတသိုက်ရွှံတွေပေလို့ ၊
လှေကလေးကိုလှော် ။
လှော်တစ်ခါကမ်းကိုဆိုက်နဲ့ ၊
ကဏန်းနှိုက်လို့ပျော် ။
ဖါးတွေကတအော်အော် ၊
မိုးခေါ်နေသေး ။
မြင်ရသူဘဝင်လန်းပေမဲ့ ၊
ချမ်းခိုက်ခိုက်အေး ။
အောင်နိုင်သူ ( 7 / 9 / 2016 )
Subscribe to:
Post Comments (Atom)
No comments:
Post a Comment