Sunday, September 11, 2016
ဒီရေချောင်း၏သံသရာ - အချိုးတွဲ ( ၄ )
ဘုတ်ငှက်အီဒီရေအတက်မှာ ၊
မိုးပက်လို့ရွာ ။
အာကာပြင်ရှစ်ခွင်တိုင်းက ၊
အုံ့မှိုင်းကျလာ ။
ဖေါင်စီးကဏန်းပေါင်းသဟာ ၊
ရေလွှာမှာကူး ။
ချောင်းကမ်းတလျှောက်မှာတော့ ။
ဗျိုင်းအောက်ကမြူး ။
တက်ရေစီးတဲ့လှေအပေါင်းက ၊
စက်မောင်းသံညံ ။
ကိုတံငါတွေအားသွန်လို့ ၊
ကွန်ပစ်ကြအဖန်ဖန်။
ချောင်းထဲမှာတက်ရေလျှံ ၊
ချိန်တန်တော့ပြန်ဆင်း ။
ရေစစ်လို့အခြေနေပြောင်းတော့ ၊
ကောင်းကင်ကလင်း ။
ကျရေမှာတက်ရေပေါင်းသော် ၊
ချောင်းရေကသေ ။
လတာပြင်ပင်အစုစုက ၊
လမုသီးကြွေ ။
ကဏန်းနဲ့ငါးပျံတထွေ ၊
ကမ်းခြေကိုပြေး ။
ဒီရေတက်နောက်မိုးတသုတ်မှာ ၊
ဘုတ်အီပြန်သေး ။
အောင်နိုင်သူ ( 11 / 9 / 2016 )
Subscribe to:
Post Comments (Atom)
No comments:
Post a Comment