Friday, September 30, 2016
ချစ်အဖြေ - အချိုးတွဲ ( ၁၀ )
သူ့မျက်နှာလေးချိုသာ ။
ဆိုစရာအပြစ်ကင်းပါလို့ ၊
ဝင်းပပဖြာ ။
ပါးနှစ်ဘက်ပန်းပဒုမ္မာ ၊
ခန္ဓာကကြော့ဆုံး ။
သူ့ကေသာမဟူရာယှက်တယ် ၊
နက်မှောင်ပိတုန်း ။
ယဉ်ကျေးတယ်သူ့ရဲ့ဝါစာ ။
ပျိုကညာသံချိုနှောလို့ ၊
အပြောကဝေဆာ ။
ဝိုင်းစက်စက်သူ့မျက်နှာ ၊
နံ့သာကိုခြယ်မှုန်း ။
ကွမ်းတော်ကိုင်ထိတ်ထိတ်ကြဲမို့ ၊
ရွာထဲအလှဆုံး ။
မြင်နေခဲ့ရက်ရှည်ကြာ ။
ရွှေရုပ်လွှာကိုမရမကနဲ့ ၊
တောင်းတဝေဒနာ ။
ကျနော့်ဘဝကရောင်ချာချာ ၊
ဥစ္စာမဲ့မောင်ဖုန်း ။
ချစ်အဖြေကိုကြိုသိနေတော့ ၊
နွမ်းအိခွေနုံး ။
အောင်နိုင်သူ ( 30 / 9 / 2016 )
Subscribe to:
Post Comments (Atom)
No comments:
Post a Comment