Saturday, October 1, 2016
လွမ်းမိပါသေးမန္တလေး - အချိုကဗျာ ( ၃၅ )
မန်းသူမှန် ဟိုအရင်တုန်းဆီက ၊
နန်းမူဟန် နဂိုသွင်တနှုန်းရယ်နဲ့ ၊
မမုန်းတတ် ယဉ်စစပေမို့ ၊
တကယ်လှကြသူ ။
နန်းတော်ရှေ့ ကျုံးနဘေးမှာလ ၊
လန်းပျော်မွေ့ အပြုံးကလေးတွေနဲ့ ၊
နှလုံးအေးဘွယ် စက်ဘီးစီးလေတော့ ၊
ထီးတွေနဲ့အတူ ။
တမာမြေ နေပြင်းပေမဲ့ ၊
ရွှေခြေကျင်း ကိုယ်စီရယ်နဲ့ ၊
ပျိုမဒီတွေ ညနေရောက်လျင်ဖြင့် ၊
လမ်းလျှောက်ရင်း လေ့ကျင့်ခန်းယူ ၊
နွဲ့မူယာ ကိုယ်ဟန်သွေး ။
ဟိုတုန်းက မန္တလေးကိုဖြင့် ၊
လွမ်းဆွေးမိ ဖြေမပြေပါ ၊
တစ်ခါတစ်လေ အညာနွေနဲ့ ၊
တမာမြေ မန်းအလှတွေကိုလ ၊
တမ်းတမိသေး ။
အောင်နိုင်သူ ( 1 / 10 / 2016 )
Subscribe to:
Post Comments (Atom)
No comments:
Post a Comment