Thursday, November 24, 2016
စံပယ်ချစ်တဲ့မမလေး - အချိုးတွဲ ( ၁၇ )
ပန်းခရေ ကြွေရှာသေးတော့ ၊
မွှေးရနံ့ကယ်ဖြာ ။
မမလေး လိုရာသုံးဖို့ ၊
ကုံးသီပေးမှာ ။
ပင်ပေါ်လည်း ဝေဝေဆာ ၊
လေအလာမြေမှာဖွေး ။
ဝေတစ်ဝက် ကြွေပျက်ရင်းနဲ့ ၊
သင်းပျံ့တယ်လေး ။
ဟိုတစ်ပွင့် သည်တစ်ပွင့်နဲ့ ၊
ကြွေလွင့်ကြပန်းခရေ ။
ဟိုလူနင်း သည်လူနင်းလည်း ၊
သင်းလို့သာနေ ။
မြတ်နိုးသူ တွယ်တာပေမဲ့ ၊
သွေဖယ်သူရှောင်ကာတိမ်း ။
တစ်ခါတစ်လေ ရင်မှာဆို့ဘွယ် ၊
တစ်ချို့ကစိမ်း ။
ကောက်ထားတဲ့ ခရေပန်းတွေ ၊
ဘန်းငယ်ထဲမောက်လို့ပင် ။
ပန်းခရေဆို မမလေးက ၊
ယုယမယ်ထင် ။
မလေးကို လှမ်းကာမြင် ၊
မောင့်ရင်မှာနာမဆုံး ။
သူ့ကေသာ စံပယ်ဖွေးတွေနဲ့ ၊
မလေးကပြုံး ။
အောင်နိုင်သူ ( 24 / 11 / 2016 )
Subscribe to:
Post Comments (Atom)
No comments:
Post a Comment