မင်္ဂလာပွဲနွှဲဖို့ပြင် - အချိုးကဗျာ ( ၅၀ )

မောင့်လယ်ခွင်   မြပင်စိမ်းတွေ ၊

ယိမ်းပါလို့  တိမ်းကြဝဲယာ ။

ဖုံးလုံးတုန်း   တန်ဆောင်မုန်းပေမို့ ၊

မောင်ဖုန်းတို့  စပါးပင်တွေက ၊

အားအင်နဲ့ဖြာ ။

ဆောင်းခါကြုံ   နှင်းမှုန်လွှမ်းပြန်တော့ ၊ 

ကျွမ်းငယ်ဆွေ   ညိုပြာညက်ကိုလ ၊

ပွေ့ဖက်လို့   ယုယကြင်နာ ၊

မောင့်ရင်မှာထွေးချင်သား ။

ခုများကွယ်   ပေါင်းရန်အရေးရယ် ၊

ခဏလေးတော့   စောင့်စားမျှော်ပါ ၊

စပါးတွေပေါ်  နွေဦးပေါက်လျင်ဖြင့် ၊

တို့နှစ်ယောက်ရဲ့   မင်္ဂလာပွဲကို ၊

နွှဲဖို့ပြင်ထား ။

ဖုံးလုံးတုန်း = ဖုံးတုန်းလုံးတုန်း =  စပါးများအရည် ၊ အဆံ တည်စဦး

ကိုဖုံးတုန်းလုံးတုန်း ( အခွံဖုံးဆဲ ၊ အဆံတည်ဆဲ ) ဟုခေါ်ကြပါသည် ။

အောင်နိုင်သူ  ( 1 / 11 / 2016 )

ဆောင်းသဘာဝ - အချိုးကဗျာ ( ၄၉ )

မိုးရုံလွှာ အဟောင်းကိုပစ်၍ ၊
တဆောင်းသစ် နှင်းပုဝါရယ် ၊
ဆင်းပြိုကာ သည်လောကကို ၊
အလှဆင်တော့တယ် ။

လတန်ဆောင် ပန်းခဝဲတို့ ၊
ပွင့်မြဲပေါ့ ဝင်းလဲ့ထိန်ဝါ ၊
နတ်တော်မှာ သဇင်လှိုင်တုန်း ၊
ဂမုန်းပန်းကြွယ် ။

ပြာသိုလ ခွါညိုရနံ့ဖြာ ၊
သင်းပျံ့ကာ တကဲကဲနဲ့ ၊
တပို့တွဲ ပေါက်လဲဆူးပန်းတို့ ၊
ပွင့်လန်းကြ ဟေမန်ချိန်ဝယ် ၊
ကြည်နူးဘွယ်လွန်ကောင်း ။

မြောက်ပြန်လေ တအေးအေးနဲ့ ၊
ငှက်ကလေးတွေ သံစုံချီပျံ ၊
နားဝင်ပီယံ ငြိမ့်ငြိမ့်ညောင်းလို့ ၊
ကောင်းကင်မှာ မြူမှုန်လွှမ်းတယ် ၊
ချမ်းတုန်တဲ့ဆောင်း ။

အောင်နိုင်သူ ( 31 / 10 / 2016 )

မယ့်ချစ်ဆိပ်မာန် - တေးထပ် ( ၈ )

မိုးဝဿန်   နှောင်းခါစ ၊

ပြောင်းပါရ   ဟေမန် ၊

ဆောင်းကာလ   ဝေးအောင်ဖန်တယ် ၊

တစိမ်းဆန်   နှစ်ပါး ။

မှိုင်းကာညို့   ညနေရီမှာ ၊

လှဧကရီ   ဆွေးရတက်ပွါး ။

ဆည်းဆာည  ချမ်းလှပါသည် ၊

ငဲ့မညှာ   မသနား ။

အဟုတ်လေ   ရှောင်ရှားတော့ ၊

မေတစ်ပါး  အခက်ဖြာ ။

ရွှေစိတ်တော်   ထင်မလွဲပါနဲ့ ၊

ရင်အသည်း   ကွဲလိမ့်တစ်ခါ ။

လွမ်းပါရ   ဝေဒနာရယ် ၊

မေကညာ   စက်လျောင်းမမွေ့ ၊

စိတ်ထောင်းလို့   ခန္ဓာကျေ ၊

မွန်းနစ်ကာနေ ။

တဏှာပူးလို့   ရူးကာသေပစေ ၊

မောင့်ကိုလေ   ဘယ်မမုန်းပြီကွဲ့လေး ။

အောင်နိုင်သူ  ( 31 / 10 / 2016 )

မီးထွန်းပွဲ - အချိုးကဗျာ ( ၄၈ )

တန်ဆောင်မုန်း လပြည့်ညမို့ ၊
လဝန်းကထိန်ထိန်ဝါ ၊
ညင်းလေငယ်လာ ။

ပွဲခင်းသာ ၊
နာပျော်ဘွယ်ဆိုင်းသံကြား ။

မေ့မျက်နှာ မှုန်နံ့သာသကာ ၊
ချစ်ကြင်စ မောင်နှင့်မယ်တို့ ၊
ရွာအလယ် မီးထွန်းပွဲကို ၊
နွှဲပျော်ဖို့သွား ။

အောင်နိုင်သူ ( 30 / 10 / 2016 )

မိဗေဒါတို့သံသရာ - အချိုးတွဲ ( ၁၆ )

ချောင်းဖျားမှာ ဝေဝေဆာ ၊
ဗေဒါအုပ်ဒီပန်း ။
အချိန်တန် ရေအကျမှာ ၊
ချောင်းဝကိုမြန်း ။

ရေစီးမှာ ငြိမ်မနေနိုင် ။
ချောင်းလယ်မှာ အဖေါ်ကွဲကာ ၊
ခွဲထွက်လို့ယိုင် ။
လှိုင်းလေနဲ့ ထိပ်တိုက်ဆိုင် ၊
ပန်းခိုင်ကရမ်း ။
ပွင့်ဖတ်ကြွေ မြင်မကောင်းပေါ့ ၊
ခေါင်းစိုက်လို့နွမ်း ။

ချောင်းဝရောက်စုပုံတယ်(တည်) ။
ရေငြိမ်လို့ ဝဲမှာရစ်တော့ ၊ 
မြစ်ထဲမှာလယ်(လည်) ။
ဗေဒါအုပ် အိနြေ္ဒဆယ်(ဆည်) ၊
ခရီးသည်တွေမို့လား ။
နေ့ဓူဝ ထုံးစံမပျက်ပေါ့ ၊
ရေတက်စောင့်စား ။

ဒီရေလည်း ပြန်တက်တစ်ခါ ။
မိဗေဒါ ဖေါ်အပေါင်းတို့ ၊
ချောင်းထဲဝင်လာ ။
ချောင်းထိပ်မှာ အားသစ်လောင်းတာ ၊
ဗေဒါတို့စခန်း ။
ပွင့်သစ်တွေ ဝေဆာလန်းပြန်ပေါ့ ၊
ပန်းဗေဒါနန်း ။

ချောင်းဖျားမှာ ဝေဝေဆာ ၊
ဗေဒါအုပ်ဒီပန်း ။
နောက်တစ်ချီ ရေအကျမှာ ၊
ချောင်းဝကိုမြန်း ။

အောင်နိုင်သူ ( 30 / 10 / 2016 )

တို့ရွာဘုံကထိန် - အချိုးကဗျာ ( ၄၇ )

ပဒေသာပင်တွေ အသွင်ဆန်း ၊

စီတန်းလို့လှည့်အလာ ၊

ဒိုးဝိုင်းကသာ ။

ငါတို့ရွာ ၊

ကညာတွေပျော်လို့မြူး ။

သူသူငါ  စိတ်လက်ကြည်ဖြူ ၊

သဒ္ဓါရည်တူ  လှူခွင့်ကြုံသမို့ ၊

ရတနာပုံအိမ်ဝင်ဆိုက်သလိုပ ၊

သည်းလှိုက်ကြည်နူး ။

အောင်နိုင်သူ  ( 29 / 10 / 2016 )

ဖေါ်မစုံတဲ့နက္ခတ်ပွဲ - အချိုးတွဲ ( ၁၅ )

ဆောင်းဝင်စ တန်ဆောင်မုန်းဝယ် ၊
မောင်ဖုန်းကပေါ်မလာ ။
မယ့်တစ်ကိုယ်ရည် ချမ်းအေးလှပေါ့ ၊
ဖေးကူလှည့်ပါ ။
မြောက်လေပြေ တိုးဝှေ့အသာယာ ၊
ခြုံလွှာနှင့်ထွေးပါရ ။
အပြင်ကချမ်း အသည်းမှာပူလို့ ၊
ချစ်သူကို မြင်ချင်စမ်းတယ် ၊
တမ်းတသသ ။

မိုးဝဠာ အနောက်ရပ်က ၊
ညဦးရဲ့ကြယ် ။
တောက်ပတဲ့ စိန်အဆင်းလို ၊
လင်းထိန်လှတယ် ။
မယ့်အတွေးက ဟိုသည်ကြွယ် ၊
ဘယ်ဝယ်ဆီလွမ်းပါရ ။
စန်းသော်တာ ထွက်မလာတော့ ၊
ရောက်ရာရာ ယောင်ရမ်းငေးလို့ ၊
ဆွေးပူသောက ။

အာကာကို ငေးမျှော်ရင်းပဲ ၊
လမင်းကထွက်ပေါ်လာ ။
ရောင်စဉ်တွေ တဖျတ်ဖျတ်နဲ့ ၊
နက္ခတ်တာရာ ။
လမင်းရယ် ကြယ်တစ်ဖြာ ၊
မဟာသဘင်ဆင်နွှဲ ။
ဖေါ်မစုံ ဟေမန်ဆောင်းမှာဖြင့် ၊
ကံမကောင်းသူ အထီးကျန်လွမ်းပေါ့ ၊
ကျွမ်းနစ်ကျေကွဲ ။

အောင်နိုင်သူ ( 28 / 10 / 2016 )