ဒီဇင်ဘာကဗျာများ - အချိုးကဗျာ ( ၆၈ )
သည်ရင်မှာ တစ်ခါချစ်မိ၍ ၊
ဒီဇင်ဘာ ကဗျာဖြစ်ရလည်း ၊
ပြစ်ဖွဲ့လို့မဆိုချင် ။
ချမ်းပါစေ တစ်ကိုယ်တည်းပေမဲ့ ၊
လွမ်းစာတွေ ဆိုဆဲပါပဲ ၊
ရင်ထဲကခင် ။
မကြင်နာ လေနှယ်ယိမ်းပါလို့ ၊
တမင်ခွါ သွေဖယ်တိမ်းလေတဲ့ ၊
စိမ်းသူရေ မောင့်ဖြစ်အင်ကို ၊
သခင်သိပါ့မလား ။
နှင်းဖြာဝေ လွှမ်းခြုံကဲ၍ ၊
ညှင်းပါစေ လွမ်းယုံပဲမို့ ၊
လမ်းဆုံမှာ ရင်တထင့်ထင့်နဲ့ ၊
မျှော်လင့်စောင့်စား ။
အောင်နိုင်သူ ( 5 / 12 / 2016 )
No comments:
Post a Comment