Saturday, December 3, 2016
သိင်္ဂိလငှက်ဇာတ်တော် - လင်္ကာကဗျာ ( ၂၅ )
ဗုဒ္ဓလောင်းလျာ ၊ နုစဉ်ခါက ၊
“သိင်္ဂိလ”ငှက် ၊ ဘဝမှာလျင် ၊
သစ်တစ်ပင်ထက် ၊ သိုက်ဆောက်လျက်သာ ၊
နေထိုင်လာခဲ့လေသတည်း ။
တစ်နေ့သောခါ ၊ မိုးသည်းရွာစဉ် ၊
ငှက်မှာသိုက်တွင်း ၊ ခိုလှုံရင်းနှင့် ၊
ရေဖြင့်ရွှဲစို ၊ မျောက်ကိုမြင်ရာ ၊
စာနာကြံဉာဏ်ပေးသတည်း ။
“သင်နှင့်လူမှာ ၊ တူလှတာမို့ ၊
အိမ်ရာတည်ထား ၊ နေပါလား”ဟု ၊
ပြောကြားလိုက်လျင် ၊ မျောက်မိုက်သည်ကား ၊
ဒေါသပွါးလျက် ၊ ငှက်သိုက်ကိုပါ ၊
မလိုစွာနှင့် ၊ ရန်ရှာမုန်းတီး ၊
ဖျက်ဆီးပစ်လိုက်လေသတည်း ။
အနှစ်သာရ
*************
( ၁ ) အသိဉာဏ်နည်းမိုက်မဲသူကိုနည်းပေးလမ်းပြသော်လည်း
အရာမထင်တတ် ။
( ၂ ) နည်းပေးလမ်းပြသူကိုပင် စော်ကားရန်မူတတ်၏ ။
ကိုးကား ။…..။ ငါးရာ့ငါးဆယ်ဇာတ်တော် ။
အောင်နိုင်သူ ( 3 / 12 / 2016 )
Subscribe to:
Post Comments (Atom)
No comments:
Post a Comment